ກິດຈະກຳການລົງຕິດຕາມຄັ້ງນີ້ ເປັນກິດຈະກຳໜຶ່ງທີ່ນອນຢູ່ໃນແຜນງານສົ່ງເສີມສຸຂະພາບ ແລະຫຼຸດຜ່ອນການຈຳແນກລັງກຽດ ໂດຍທີມງານຂອງພວກເຮົາໄດ້ສຸ່ມໃສ ໃຫ້ຄຳປຶກສາທີ່ດີ ລວມເຖິງການກິນຢາ, ການຮັກສາສຸຂະພາບ ແລະ ແນວທາງສົ່ງເສີມກຳລັງໃຈທີ່ດີ.

 

ຈາກການຕິດຕາມເຫັນໄດ້ວ່າສະມາຊິກຜູ້ຕິດເຊື້ອຫຼາຍຄົນ ມີປັນຫາການຈຳແນກຕົວເອງ ປັນຫາເສດຖະກິດຄອບຄົວ ແລະ ບາງກຸ່ມຍັງຖືເບົາເລື່ອງການກິນຢາ ເຊິ່ງມີຄວາມສ່ຽງສູງທີ່ຈະເສຍຊີວິດດ້ວຍພະຍາດເອດ. ຕອນນີ້, ໂຊກດີແລ້ວ ສຸຂະພາບຂອງພວກເຂົາເລີ່ມດີຂຶ້ນຈາກອາການຊຸດໂຊມ.

 

ແນວໃດກໍຕາມ, ເຖິງແມ່ນວ່າຜູ້ຕິດເຊື້ອຈະມີຫຼາຍປັນຫາດັ່ງກ່າວມາແລ້ວນັ້ນ ກິດຈະກຳໂຄງການຂອງພວກເຮົາ ຈະຊ່ວຍເປັນສ່ວນໜຶ່ງສົ່ງເສີມການເຂົ້າເຖິງສຸຂະພາບ ແລະ ຄຳປຶກສາທີ່ດີ ທີ່ພວກເຮົາຫວັງວ່າຈະເປັນບາດກ້າວທີ່ສຳຄັນຊ່ວຍຫຼຸດຜ່ອນການຈຳແນກລັງກຽດ ແລະ ລົບລ້າງພະຍາດເອດໃຫ້ໄດ້ໃນທີ່ສຸດ.