ປັນຫາການແຜ່ເຊື້ອເຮສໄອວີຍັງຄົງເປັນປັນຫາສາທາລະນະສຸກທີ່ຮ້າຍແຮງ ສົ່ງຜົນກະທົບຕໍ່ປະຊາຊົນຫຼາຍພັນຄົນໃນປະເທດ ແລະ ຫຼາຍລ້ານຄົນໃນທົ່ວໂລກ ເຊິ່ງສາເຫດຫຼັກໆແມ່ນມາຈາກກຸ່ມສ່ຽງທີ່ບໍ່ຮູ້ສະຖານະ ແລະ ຖືເບົາຕໍ່ຄວາມປອດໄພເມື່ອມີເພດສຳພັນ ທັງລະຫວ່າງຊາຍກັບຍິງ ແລະຊາຍກັບຊາຍນຳກັນ ຕໍ່ກັບປັນຫານີ້ ພວກເຮົາຈຶ່ງຢາກກະຕຸ້ນເຕືອນຕົນເອງ ແລະ ຄົນອື່ນຢູ່ສະເໝີ ແລະ ດຳເນີນການປ້ອງກັນຮ່ວມກັນທັນທີ.

ລຸ່ມນີ້ແມ່ນບາງວິທີການທີ່ທ່ານສາມາດເຮັດຊ່ວຍກັນໄດ້ ເພື່ອປ້ອງກັນ ແລະ ຫຼຸດຜ່ອນການສົ່ງເຊື້ອໃຫ້ຜູ້ອື່ນ.

1.ສຶກສາຕົນເອງ ແລະ ຜູ້ອື່ນກ່ຽວກັບ HIV ເຂົ້າໃຈວິທີການຕິດຕໍ່ ແລະ ບໍ່ຕິດຕໍ່ຂອງມັນ ແລະ ສິ່ງທີ່ເປັນປັດໄຈສ່ຽງ ລວມທັງ ວິທີການປ້ອງກັນທີ່ປອດໄພ.

2.ແບ່ງປັນປະສົບການ ຫຼື ຄວາມຮູ້ກ່ຽວກັບ HIV ຖ້າທ່ານມີ ທ່ານສາມາດສ້າງແຮງບັນດານໃຈໃຫ້ຜູ້ອື່ນໂດຍການໃຫ້ກຳລັງໃຈ ແລະ ບອກວິທີການຮັບມືກັບສິ່ງທ້າທ້າຍ ແລະ ເອົາຊະນະຈາກການຈຳແນກລັງກຽດຕົວເອງ ແລະ ຄົນອື່ນ.

3.ສະຫນັບສະຫນູນຜູ້ທີ່ເປັນພະຍາດເອດໂດຍການຟັງເຂົາເຈົ້າ, ໃຫ້ການຊ່ວຍເຫຼືອເຂົາເຈົ້າ, ແລະເຄົາລົບທາງເລືອກຂອງເຂົາ ມີການສົນທະນາຢ່າງເປີດເຜີຍ ແລະບອກຄວາມຈິງກ່ຽວກັບພະຍາດເອດ.

4.ຊຸກຍູ້ໃຫ້ຜູ້ອື່ນໄປກວດຫາເຊື້ອ HIV ເປັນປະຈຳ. ການຮູ້ສະຖານະ HIV ຂອງເຈົ້າເປັນບາດກ້າວທຳອິດເພື່ອປົກປ້ອງຕົນເອງ ແລະ ຜູ້ອື່ນ. ທ່ານສາມາດເຂົ້າໄປກວດຫາເຊື້ອຢູ່ໂຮງໝໍເມືອງ ຫຼື ໂຮງໝໍແຂວງໃກ້ບ້ານທ່ານ.

5.ສົ່ງເສີມການໃຊ້ຍຸດທະສາດ PrEP ແລະ U=U. PrEP ແມ່ນຢາເມັດປະຈໍາວັນທີ່ສາມາດຫຼຸດຜ່ອນຄວາມສ່ຽງຕໍ່ການຕິດເຊື້ອ HIV ໄດ້ເຖິງ 99%. U=U ໝາຍຄວາມວ່າຜູ້ຕິດເຊື້ອເອດມີເຊື້ອໄວຣັສນ້ອຍ ຫຼືກວດບໍ່ພົບ  ຈຶ່ງເທົ່າກັບວ່າ ຄົນບໍ່ມີເຊື້ອເຮສໄອວີແລ້ວ ແລະ ບໍ່ສາມາດສົ່ງເຊື້ອໃຫ້ຜູ້ອື່ນ.

6.ສົ່ງເສີມສິດທິ ແລະຄວາມຕ້ອງການຂອງຜູ້ຕິດເຊື້ອເອໄອວີ. ກ່າວຕໍ່ຕ້ານການຈຳແນກ ແລະຄວາມຮຸນແຮງ ເຂົ້າຮ່ວມ ຫຼື ສະໜັບສະໜູນອົງການຈັດຕັ້ງທີ່ເຮັດວຽກເພື່ອຢຸດການລະບາດຂອງເຊື້ອ HIV.

ນີ້ແມ່ນບາງວິທີການ ທີ່ທ່ານສາມາດກະຕຸ້ນໃຫ້ຄົນອື່ນວ່າ ຢ່າໄດ້ລະເລີຍ ຫຼື ບໍ່ສົນໃຈການແຜ່ເຊື້ອ HIV. ຈົ່ງເຂົ້າໃຈເລີຍວ່າ, ທ່ານບໍ່ໄດ້ຢູ່ຄົນດຽວໃນການຕໍ່ສູ້ນີ້. ຮ່ວມກັນເເທາະເພື່ອລົບລ້າງພະຍາດເອດ ພວກເຮົາສາມາດສ້າງຄວາມປ່ຽນແປງໄດ້.#aplpluslaos #hivprevention #HIVTesting #hivawareness See less