HIV : ເປັນເຊື້ອຈຸລະໂຣກ ຫຼື ໄວຣັສຊະນິດໜຶ່ງທີທຳຮ້າຍພູມຄຸ້ມກັນຂອງຮ່າງກາຍ ເມື່ອເຊື້ອ HIV ເຂົ້າສູ່ຮ່າງກາຍແລ້ວ ຈະຍຶດຈັບ ແລະ ທຳຮ້າຍເມັດເລືອດຂາວຊະນິດ CD4 ເປັນສາເຫດເຮັດໃຫ້ພູມຄຸ້ມກັນບົກພ່ອງ ຫາກບໍ່ໄດ້ຮັບການປິ່ນປົວລະດັບ CD4 ຈະຫຼຸດຕ່ຳລົງເລື້ອຍໆ ຈະເຮັດໃຫ້ເຈັບປ່ວຍເປັນພະຍາດເອດໃນອະນາຄົດໄດ້.

HIV ກັບ AIDS ແຕກຕ່າງ ແລະ ມີຄວາມກ່ຽວຂ້ອງກັນ HIV ແມ່ນເຊື້ອໄວຣັສ ຫຼື ເຊື້ອຈຸລະໂລກຊະນິດໜຶ່ງທີ່ເຂົ້າໄປທຳຮ້າຍເມັດເລືອດຂາວ ຊະນິດ CD4 ເຮັດໃຫ້ພູມຄຸ້ມກັນຂອງຄົນອ່ອນແອລົງ.

AIDS : ແມ່ນກຸ່ມອາການຂອງພະຍາດແຊກຊ້ອນ ເປັນໄລຍະຂອງການຕິດເຊື້ອ HIV ທີ່ເກີດຈາກການປ່ອຍໃຫ້ລະບົບພູມຄຸ້ມກັນຂອງຮ່າງກາຍຖືກທຳຮ້າຍ ສົ່ງຜົນໃຫ້ຮ່າງກາຍບໍ່ມີພູມຄຸ້ມກັນພຽງພໍທີ່ຈະປ້ອງກັນຈາກເຊື້ອພະຍາດພາຍນອກຈຶ່ງມີໂອກາດຕິດເຊື້ອ ຫຼື ເກີດພາວະແຊກຊ້ອນອື່ນໆໄດ້ງ່າຍ.

HIV ຕິດຕໍ່ກັນຜ່ານ 3 ເສັ້ນທາງຫຼັກໆ ຄື 1,ຜ່ານທາງເລືອດ 2,ການມີເພດສຳພັນ ແລະ ຈາກແມ່ສູລູກຕອນຖືພາໃນຄັນ ແລະ ນອກ ຄືການໃຫ້ນົມລູກ.

APL+ ຫຼື ສຄອ ຂຽນເຕັມວ່າ ສະມາຄົມເຄືອຂ່າຍຜູ້ຕິດເຊື້ອເຮສໄອວີ/ເອດ ພາສາອັງກິດ Association of People Living with HIV/AIDS ເປັນໜຶ່ງໃນບັນດາອົງການຈັດຕັ້ງສັງຄົມລາວ ເຄື່ອນໄຫວຽກງານໂຄສະນາ ແລະ ສົ່ງເສີ່ມຄວາມຮູ້ ກ່ຽວກັບສຸຂະພາບທາງເພດ ເຊັ່ນ ເຮສໄອວີ/ເອດ,ຊີຟິລິດ ໜອງໄນ ຫອນໄກ…. ແລະ ວິທີການປ້ອງກັນພະຍາດຕິດຕໍ່ທາງເພດສຳພັນເຫຼົ່ານັ້ນ ພ້ອມທັງປະຕິບັດກິດຈະກຳຂອງໂຄງການຕ່າງໆ ເພື່ອສົ່ງເສີມຜູ້ມີຄວາມສ່ຽງ ຜູ້ຕິດເຊື້ອ ຜູ້ດ້ອຍໂອກາດ ໄດ້ເຂົ້າເຖິງບໍລິການສາທາລະນະສຸກ ສະຫວັດດີການສັງຄົມຢ່າງເທົ່າທຽມ ປາດສະຈາກການເລືອກປະຕິບັດ .

ຫ້ອງການປະສານງານຫຼັກຂອງພວກເຮົາຕັ້ງຢູ່ ຖະນົນ 450 ປີ ຮ່ອມ 26 ບ້ານນາແຄ ເມືອງໄຊທານີ ນະຄອນຫຼວງວຽງຈັນ ໂລະສັບ : +856305011871

ປະຊາຊົນທຸກຄົນສາມາດມີສ່ວນຮ່ວມຊ່ວຍກັນລົບລ້າງພະຍາດເອດໃຫ້ໄດ້ ໃນປີ 2030

ແຜນຢຸຕິພະຍາດເອດໃຫ້ໄດ້ 95 % ໃນປີ 2025